தமிழில் கணினி செய்திகள்

DVD யை ISO கோப்பாக மாற்ற

♠ Posted by Kumaresan Rajendran in ,
ஒரு கோப்பினை வேறொரு பைலாக மாற்றம் செய்ய வேண்டுமெனில் ஏதாவது ஒரு கன்வெர்ட் மென்பொருள் துணைகொண்டு கண்வெர்ட் செய்வோம் அதேபோல் தான் டிவிடியில் உள்ள எந்தவொரு கோப்பினையும் ஐஎஸ்ஒ பைலாக மாற்றம் செய்ய இலவச மென்பொருள் ஒன்று உள்ளது. அதன் துணைகொண்டு எளிதாக முழு டிவிடியையும் ஐஎஸ்ஒ பைலாக மாற்றிக்கொள்ள முடியும்.

தற்போது இணையத்தில் பெரிய அளவுடைய பைல்களை சுருக்கி அனுப்ப பயன்படும் பார்மெட்களில் பெரும்பாலாக கையாளப்படுவது ஐஎஸ்ஒ பைல் பார்மெட்டாகும்.

மென்பொருளை தரவிறக்க சுட்டி


சுட்டியில் குறிப்பிட்ட தளத்திலிருந்து மென்பொருளை பதிவிறக்கி கணினியில் நிறுவிக்கொள்ளவும். பின் ஒரு முறை கணினியை மறுதொடக்கம் செய்து கொண்டு, குறிப்பிட்ட அப்ளிகேஷனை ஒப்பன் செய்யவும். 

பின் டிவிடி ட்ரேயில் டிவிடியினை உள்ளிடவும். பின் Next பொத்தானை அழுத்தவும். சில நொடிகளில் உங்கள் டிவிடியில் உள்ள முழு கோப்பும் ஐஎஸ்ஒ பைலாக மாற்றப்பட்டுவிட்டது என்ற செய்தி வரும். பின் இறுதியாக Open output  directory எனும் இணைப்பினை அழுத்தி கன்வெர்ட் செய்யப்பட்ட ஐஎஸ்ஒ பைலை பெற்றுக்கொள்ளவும்.

PDF - கோப்புகளை ரொட்டேட் செய்ய

♠ Posted by Kumaresan Rajendran in ,,
ஸ்கேன் செய்து கோப்புகளை Pdf பைலாக மாற்றும் போது தலைகீழாக இருக்கும், அல்லது அதன் திசை மாறி இருக்கும். சாதரணமாக போட்டோ, வீடியோக்கள் தலைகீழாக இருந்தால் அதைனை அதற்குரிய எடிட்டர்கள் கொண்டு சரிபடுத்திக்கொள்ள முடியும். 

ஆனால் பிடிஎப் டாக்குமென்ட்கள் தலைகீழாகவோ அல்லது முறையாக இல்லாமல் இருந்தால் அதனை சரிபடுத்தி கொள்ள இலவச மென்பொருள் ஒன்று உள்ளது.

மென்பொருளை தரவிறக்க சுட்டி


சுட்டியில் குறிப்பிட்ட தளத்திலிருந்து மென்பொருளை தரவிறக்கி கணினியில் நிறுவிக்கொள்ளவும். பின் இந்த PDF Rotator அப்ளிகேஷனை ஒப்பன் செய்து  அதில் மாற்ற வேண்டிய பிடிஎப் பைலை இணைக்கவும். ஒன்றுக்கு மேற்பட்ட பிடிஎப் பைல்கள் இருந்தால் அதனை ஒரு கோப்பறையில் (Folder) வைத்து மொத்தமாக ஒப்பன் செய்யவும். 

பின் எந்த திசைக்கு டாக்குமெண்ட்களை திருப்ப வேண்டுமென அதை தேர்வு செய்துவிட்டு பின் Rotate PDF Now என்னும் பொத்தானை அழுத்தவும்.


சில நொடிகளில் நீங்கள் குறிப்பிட்ட திசையில் டாக்குமெண்ட் கண்வெர்ட் செய்யப்பட்டு ஒப்பன் ஆகும். அதை நீங்கள் வழக்கம் போல் பயன்படுத்திக்கொள்ள முடியும். இது ஒரு இலவச மென்பொருள் ஆகும்.

வீடியோ கன்வெர்ட்டர்/ டிவிடி ரிப்பேர் இலவசமாக

♠ Posted by Kumaresan Rajendran in ,
புனிதவெள்ளி சலுகையாக வீடியோ கன்வெர்ட்டர் மற்றும் டிவிடி ரிப்பேர்கள் இலவசமாக லைசன்ஸ் கீயுடன் வழங்கப்படுகிறது. இந்த சலுகை குறுகிய தினங்களுக்கு மட்டுமே. விலை கொடுத்து வாங்க வேண்டிய வீடியோ கன்வெர்ட்டர் மற்றும் டிவிடி ரிப்பேர்கள்தற்போது இலவசமாக கிடைக்கிறது. 

கணினியில் இருக்க வேண்டிய அத்தியவசியமான மென்பொருள்களில் வீடியோ கன்வெர்ட்டரும் ஒன்று. வீடியோவினை பல இருப்பினும் அவற்றில் ஒரு சில மென்பொருள்கள் மட்டுமே சிறப்பாக செயல்படும். நாம் இணையத்தில் இருந்து ஏதோ ஒரு வீடியோ கன்வெர்ட்டரை சோதனை பதிப்பாக பதிவிறக்கி பயன்படுத்துவோம். ஆனால் அந்த மென்பொருள் முழுமையாக செயல்படாது. கன்வெர்ட் செய்யும் போதும் கன்வெர்ட் செய்த வீடியோவிலும் பல்வேறு சிக்கல்கள் ஏற்படும். அதனால் விலை கொடுத்து வாங்கும் மென்பொருள்களே சிறப்பாக அமையும். அவ்வாறு விலைகொடுத்து வாங்கும் மென்பொருள்கள் தற்போது புனிதவெள்ளியை தினத்தை முன்னிட்டு இலவசமாக வழங்கப்படுகிறது.

அதேபோல் டிவிடிக்களை பழுதுநீக்கி தகவலை மீண்டும் பெற்றுக்கொள்ள உதவும் மென்பொருளும் இலவசமாக வழங்கப்படுகிறது.

வீடியோ கன்வெர்ட்டர்


மென்பொருளை இலவசமாக தரவிறக்க சுட்டி

மென்பொருளை இலவசமாக தரவிறக்க சுட்டி1

சுட்டியில் குறிப்பிட்ட தளத்திலிருந்து மென்பொருளை பதிவிறக்கம் செய்து கொள்ளவும். பின் Next பொத்தானை அழுத்தவும். அடுத்து விருப்பம் இருந்தால் சோஷியல் தளங்களில் பகிர்ந்து கொள்ளவும். இல்லையெனில் I’ve shared! Next என்னும் பொத்தானை அழுத்தவும். அடுத்த டேப்பில் லைசன்ஸ் கீ கிடைக்கும் அதை சேமித்து வைத்துக்கொள்ளவும்.  (AF-VYEZVSSD-UAYFUX)

பதிவிறக்கம் செய்த மென்பொருளை கணினியில் நிறுவவும் பின் லைசன்ஸ் கீ கேட்கும். நீங்கள் சேமித்து வைத்திருக்கும் கீயினை பயன்படுத்தி மென்பொருளை முழுமையாக ஆக்டிவேட் செய்து கொள்ளவும்.


பின் இந்த அப்ளிகேஷனை ஒப்பன் செய்து வழக்கம் போல் பயன்படுத்தவும். HD வீடியோக்களை எளிதாக கன்வெர்ட் செய்து கொள்ள முடியும்.

டிவிடி ரிப்பேர்


மென்பொருளை தரவிறக்க சுட்டி

மென்பொருளை தரவிறக்க சுட்டி1

சுட்டியில் குறிப்பிட்ட தளத்திலிருந்து மென்பொருளை பதிவிறக்கம் செய்து கொள்ளவும். அதன் கூடவே லைசன்ஸ் கீயும் இருக்கும். பதிவிறக்கம் ஆன பைலை அன்ஜிப் செய்து கொண்டு மென்பொருளை கணினியில் நிறுவவும். இறுதியாக லைசன்ஸ் கீ கேட்கும். அதை உள்ளிட்டு மென்பொருளை முழுமையாக நிறுவி கொள்ளவும்.


பின் இந்த அப்ளிகேஷன் உதவியுடன் டிவிடியில் உள்ள கோப்புகளை மீட்டெடுக்க முடியும்.

Youtube வீடியோக்களின் பாடல் வரிகளை பெற

உலகின் புகழ்பெற்ற வீடியோ தளமான யூடுப் தளத்தில் தினமும் பல்லாயிர கனக்கான வீடியோக்கள் பதிவேற்றம் மற்றும் பதிவிறக்கம் செய்யப்படுகிறது. ஒரு சிலர் வீடியோவை பதிவிறக்கம் செய்யும் முன்னரே அதன் வரிகளை கேட்க விரும்புவர்கள். ஆனால் அவர்களுடைய கணினியில் ஸ்பீக்கர்/ஹெட்செட் போன்ற ஆடியோ சாதனங்கள் இருக்காது எனவே குறிப்பிட்ட வீடிவோவை முழுமையாக பதிவிறக்கம் செய்து அதனை வேறொரு கணினிக்கு மாற்றம் செய்த பின்னரே அதனை கேட்க முடியும். இதற்கு பதிலாக யூடுப் தளத்தில் இருந்து வீடியோவை பதிவிறக்கம் செய்யும் போதே அதன் வரிகளை எழுத்து வடிவில் பெற முடியும்.

இதற்காக நாம் எந்த மூன்றாம் தர மென்பொருளையும் நாடி செல்ல வேண்டிய அவசியம் இல்லை. நேரடியாக யூடுப் தளத்திலேயே பெற முடியும்.  இதற்கு நாம் பயன்படுத்தும் உலாவியில் நீட்சியை இணைத்துகொண்டால் போதுமானது. 

இந்த பாடல் வரிக்கான நீட்சியானது நெருப்புநரி, குரோம், இண்டர்நெட் எக்ஸ்புளோரர், சபாரி மற்றும் ஒபேரா உலாவிகளுக்கு மட்டும் உள்ளது.


சுட்டியில் குறிப்பிட்ட இணைப்பினை பயன்படுத்தி உலாவியில் நீட்சியை பதிந்து கொள்ளவும். பின் ஒரு முறை உலாவியை மறுதொடக்கம் செய்து கொண்டு பின் யூடுப் தளத்தை ஒப்பன் செய்து குறிப்பிட்ட வீடியோவை ஒப்பன் செய்யவும். அப்போது அந்த வீடியோக்கான பாடல் வரி தோன்றும். மேலும் இந்த வசதியை நமது விருப்பபடி மற்றியமைத்து கொள்ளவும் முடியும்.


அமைப்பினை பயன்படுத்தி விரும்பியவாறு இந்த பாடல்வரி நீட்சியை மாற்றியமைத்துக்கொள்ள முடியும்.

எக்சல் கோப்புகளை கன்வெர்ட் செய்ய

♠ Posted by Kumaresan Rajendran in ,
மைக்ரோசாப்ட் ஆப்பிஸ் தொகுப்பில் அன்மையில் வெளியான  சோதனை பதிப்பு 2013 இந்த பதிப்பு தற்போது பரவலாக கணினி பயன்பாட்டாளர்களால் பயன்படுத்தப்பட்டு வருகிறது. இன்னும் ஒரு சில அலுவலகங்களில் ஆப்பிஸ் தொகுப்பான 2003 மட்டுமே இன்றுவரையிலும் பயன்படுத்தப்பட்டு வருகிறது. ஆப்பிஸ் தொகுப்பான 2013 கொடு உருவாக்கப்படும் கோப்புகள் யாவும் ஆப்பிஸ் தொகுப்பான 2003 ல் ஒப்பன் ஆகாது. இதுபோன்ற சூழ்நிலையில் மூன்றாம் தர மென்பொருள்களை பயன்படுத்தி கன்வெர்ட் செய்து ஒப்பன் ஆகாத கோப்புகளை ஒப்பன் செய்து கொள்ள முடியும். 

மென்பொருளை தரவிறக்க சுட்டி 



சுட்டியில் குறிப்பிட்ட தளத்திலிருந்து மென்பொருளை பதிவிறக்கம் செய்து கணினியில் நிறுவிக்கொள்ளவும். பின் இந்த மென்பொருளை ஒப்பன் செய்து வேண்டிய எக்சல் கோப்புகளை கன்வெர்ட் செய்து கொள்ளவும்.

இந்த மென்பொருளை உங்கள் கணினியில் முழுமையாக செயல்பட வேண்டுமெனில்  ஆப்பிஸ் தொகுப்பு 2007 அல்லது அதற்கு அடுத்த பதிப்புகள் உங்கள் கணினியில் நிறுவியிருக்க வேண்டும்.

இந்த எக்சல் கன்வெர்டை கொண்டு  XLS, XLSX, PDF, XPS, CSV ஆகிய பார்மெட்களில் கன்வெர்ட் செய்து கொள்ள முடியும். 
 

கணினியில் உள்ள இணையத்தை மொபைல்போனில் பகிர்ந்துகொள்ள

சில தினங்களுங்கு முன் ஆன்ட்ராய்ட் மொபைல் போனை கொண்டு கணினியில் இணையத்தை இணைப்பது எவ்வாறு என்று பார்த்தோம். அந்த பதிவின் பின்னூட்டத்தில் வாசகர் ஒருவர் கணினியில் உள்ள இணையத்தொடர்பை ஆன்ட்ராய்ட் மொபைல் போனில் பயன்படுத்த முடியுமா என வினா எழுப்பினார் இதோ அதற்கான பதில்.

கணினியில் இருக்கும் இணையத்தை மொபைல் போனில் பயன்படுத்த முடியுமா என்றால் முடியும். அதற்கு நாம் பயன்படுத்தும் கணினியிலும் மொபைல் போனிலும் Wifi வசதி கண்டிப்பாக இருக்க வேண்டும். அப்படி இருக்கும் பட்சத்தில் கணினியில் உள்ள இணையத்தை நாம் எளிதாக மொபைல் போனில் இணைக்க முடியும்.

விண்டோஸ் இயங்குதளத்தில் உள்ள நெட்வோர்க் சேரிங்கை வைத்து இணைக்கும் போது பல்வேறு பிரச்சினைகள் ஏற்படுகிறது. எனவே மூன்றாம்தர மென்பொருளின் உதவியுடன் இணைய இணைப்பினை மொபைல் போனுடன் இணைக்கும் போது எந்தவித பிரச்சினையும் இன்றி இணையம் இணைக்கப்படுகிறது.

முதலில் நம்முடைய கணினியில் இணைய இணைப்பினை ஏற்படுத்திக்கொள்ளவும். ஈத்தர்நெட் இணைப்பு அல்லது டேட்டா கார்டு கொண்டு கணினியில் இணையத்தை ஏற்படுத்திக்கொள்ளவும். நான் ஈத்தர்நெட் வழியாக கணினியில் இணைய இணைப்பினை ஏற்படுத்தி உள்ளேன். 

அடுத்து mhotspot என்னும் மென்பொருளை இணையத்தில் இருந்து தரவிறக்கி கணினியில் நிறுவவும்.

மென்பொருளை தரவிறக்க சுட்டி

பின் அந்த அப்ளிகேஷனை ஒப்பன் செய்யவும். 


தோன்றும் விண்டோவில் Hotspot Name என்பதில் Wifi பெயரை உள்ளிடவும், பின்  கடவுச்சொல்லை உள்ளிடவும். அடுத்து Share From என்பதில் நீங்கள் பகிர இருக்கும் நெட்வோர்க்கினை தேர்ந்தெடுக்கவும். நான் ஈத்தர்நெட் வழியாக இணைய இணைப்பினை ஏற்படுத்தி உள்ளேன். எனவே Local Area Connection 2 என்பதை தெரிவு செய்துள்ளேன். நீங்கள் வேறு வழியில் கணினியுடன் இணையத்தை ஏற்படுத்தி இருந்தால் அதனை தெரிவு செய்து கொள்ளவும். அதிகபட்சமாக எத்தனை கணினி மற்றும் மொபைல் போனுடன் இந்த இணைய இணைப்பினை பகிர இருக்கிறீர்களோ அதனை குறிப்பிட்டு கொள்ளவும். பின் Start Hotspot என்னும் பொத்தானை கிளிக் செய்யவும்.


தற்போது முழுமையாக Hotspot உருவாக்கப்பட்டு விட்டதாக அறிவிப்பு செய்தி வரும். 



அடுத்து டாஸ்க்பாரில் உள்ள இணைய இணைப்பு ஐகானை கிளிக் செய்து பாருங்கள் நீங்கள் உருவாக்கிய பெயரில் இணைய இணைப்பு பகிர்தலுக்கான ஐகான் உருவாக்கப்பட்டு இருக்கும். கணினியில் வேலை முடிந்து அடுத்து நீங்கள் செய்ய வேண்டியது மொபைல் போனில் தான்.

மொபைல் போனில் Wifi ஆன் செய்து விட்டு, Wifi இணைப்பு இருக்கிறதா என தேடிப்பாருங்கள் நீங்கள் உருவாக்கிய பெயரில் இணைய பகிர்தலுக்கான இணைப்பு வரும் அதை தேர்வு செய்யும் போது கடவுச்சொல் கேட்கும். நீங்கள் கணினியில் உள்ளிட்ட கடவுச்சொல்லை உள்ளிட்டு ஒகே செய்யவும். அவ்வளவுதான் வேலை முடிந்தது இணையம் மொபைல் போனில் இணைக்கப்பட்டுவிடும். 

கணினியில் உள்ள இணையத்தை கொண்டு ஆன்ட்ராய்ட் மொபைல் போனில் இணையத்தை இணைப்பது எவ்வாறு என்று பார்ப்போம்.

கணினியில் Wifi ஆன்செய்யவும். பின் மொபைல் போனில் Settings செல்லவும்.


பின் Wireless & networks என்பதை தெரிவு செய்யவும்.


பின் Wi-Fi ஆன் செய்யவும்.


பின் Wi-Settings செல்லவும். அதில் நீங்கள் கணினியில் உருவாக்கிய பெயரில் Wifi பகிர்தல் இணைப்பு தோன்றும். அதை தெரிவு செய்யவும்.


பின் கணினியில் இணைப்பு உருவாக்கும் போது உள்ளிட்ட கடவுச்சொல்லை இங்கு உள்ளிட்டு Connect  பொத்தானை அழுத்தவும்.


அவ்வளவுதான் இப்போது இணையம் மொபைல் போனில் இணைக்கப்பட்டு விடும்.





தற்போது நீங்கள் உங்களுடைய மொபைல் போனில் உள்ள உலாவியை பயன்படுத்தி இணைய பக்கங்களில் வலம் வர முடியும்.

விண்டோஸ் இயங்குதளத்தில் இருக்க வேண்டிய மென்பொருள்கள்

கணினிக்கு புதியவராக இருந்தாலும் சரி, கணினி துறையில் பல ஆண்டுகலாக இருப்பவராக இருந்தாலும் சரி, பெரும்பாலானவர்கள் யாருமே தங்களுடைய கணினியில் சரியாக மென்பொருள்களை நிறுவி பயன்படுத்த மாட்டார்கள். பெரும்பாலும் ஒன்றுக்கும் அதிகமான வீடியோ மற்றும் ஆடியோ பிளேயர், மற்றும் உலாவிகளை நிறுவி இருப்பார்கள் தவிர அவசியமான இன்னும் பிற மென்பொருள்களும் கணினிக்கு கட்டாயம் தேவை.

விண்டோஸ் இயங்குதளத்தை கணினியில் நிறுவி விடுவோம். பின் ஆண்டிவைரஸ் நிறுவுவோம். பின் தேவையான ட்ரைவர் நிறுவுவோம். இன்னும் ஒருசில மென்பொருள்களை நிறுவிவிட்டு அப்படியே விட்டுவிடுவோம்.  ஒரு இரண்டு மாதங்களுக்கு பிறகு கணினியானது மந்தமாக செயல்படும் இதற்கு காரணம். அவ்வப்போது தற்காலிகமாக தங்கும் கோப்புகளை நீக்கம் செய்யாதது. முறையாக மென்பொருள் நிறுவாமை போன்ற பல காரணங்கள் ஆகும்.

விண்டோஸ் இயங்குதளத்தை பொறுத்தவரை கட்டாயமாக 25 மென்பொருள்கள் இருத்தல் அவசியம் ஆகும். அவை எவையென்று பார்ப்போம்.

1.சிறந்த ஆண்டிவைரஸ்


விண்டோஸ் இயங்குதளத்தில் கட்டாயம் ஆண்டிவைரஸ் மென்பொருள் தேவை, ஆண்டிவைரஸ் இல்லையெனில் வைரஸ் நம் கணினியில் புகுந்து அனைத்து கோப்புகளையும் நாசம் செய்து விடும். இணைய இணைப்பு இருக்கும் பட்சத்தில் நம்முடைய கோப்புகள் அனைத்தும் திருடப்பட்டுவிடும். எனவே கண்டிபாக விண்டோஸ் இயங்குதளத்தில் ஆண்டிவைரஸ் மென்பொருள்கள் இருப்பது அவசியம் ஆகும்.

மைரோசாப்ட் நிறுவனமே வைரஸ்களை எதிர்க்க மற்றும் அழிப்பதற்கு ஆண்வைரஸ் ஒன்றை வெளியிட்டுள்ளது. அதன் பெயர் Microsoft Security Essentials. கீழே குறிப்பிட்டுள்ள சுட்டியில் ஏதாவது ஒன்றை பதிவிறக்கம் செய்து கணினியில் நிறுவிக்கொள்ளவும். இவை யாவும் இலவசமாக கிடைக்க கூடிய மென்பொருள்கள் ஆகும். இன்னும் சில மென்பொருள்கள் சந்தையில் பணம் கொடுத்து வாங்கியும் பயன்படுத்தலாம்.

 ஆண்டிவைரஸ் மென்பொருளகளை தரவிறக்கம் செய்ய சுட்டிகள்


2.ஆடியோ மற்றும் வீடியோ பிளேயர்கள்



ஆடியோ மற்றும் வீடியோக்களை கணியில் இயக்க ஏதாவது ஒரு பிளேயர் கண்டிப்பாக இருத்தல் அவசியம் ஆகும். இதில் மிகவும் பிரபலமானது VLC பிளேயர் ஆகும். இந்த VLC பிளேயர் ஒரு ஒப்பன்சோர்ஸ் மென்பொருள் ஆகும்.

தரவிறக்க சுட்டிகள்


3.ரிஸிஸ்டரி கிளினர்
விண்டோஸ் இயங்குதளத்தில் தற்காலிகமாக தேங்கியுள்ள கோப்புகளை நீக்கவும். ரிஸிஸ்டரி பிழைகளை நீக்கவும் மற்றும் கணினியில் வேகத்தை அதிகபடுத்தவும் இதுபோன்ற ரிஸிஸ்டரி கிளினர் மென்பொருள்கள் பயன்படுகின்றன.

தரவிறக்க சுட்டிகள்

4.சீடி/டிவிடி மென்பொருள்கள்


சிடி மற்றும் டிவிடியில் தகவல்கள்களை பதிவேற்றம் செய்ய அதிகமான கணினி பயன்பாட்டாளர்களால் பயன்படுத்தபடுகிறது. இமேஜ் பைல்களை பூட்டபிள் பைல்களாகவும். ஆடியோ மற்றும் வீடியோக்களை சிடி/டிவிடியில் பதிவேற்றம் செய்யவும் இது போன்ற பர்னிங் மென்பொருள்கள் பயன்படுகிறது.

தரவிறக்க சுட்டி

 5.உலாவிகள்
இணைய பக்கங்களை வலம் வர பயன்படுத்தபடுவது உலாவிகள் ஆகும். இதில் மிகவும் சிறப்பானது நெருப்புநரி மற்றும் கூகுள் குரோம் உலாவிகள் ஆகும். இண்டர்நெட் எக்ஸ்புளோரர் விண்டோஸ் இயங்குதளத்திலேயே இருப்பியல்பாக இருக்கும்.

தரவிறக்க சுட்டிகள்

 6.ஆப்பிஸ் தொகுப்புகள்

ஆப்பிஸ் தொகுப்பில் மிகவும் பிரபலமானது மைக்ரோசாப்ட் ஆப்பிஸ் தொகுப்பாகும்.  இதனை விலைக்கொடுத்து வாங்க வேண்டும். இன்னும் இதைவிட சிறப்பான ஒப்பன் சோர்ஸ் ஆப்பிஸ் தொகுப்புகள் இலவசமாக கிடைக்கிறன. அதில் சிறப்பானது ஒப்பன் ஆப்பிஸ் தொகுப்பாகும்.

தரவிறக்க சுட்டிகள்

7.பிடிஎப் ரீடர்

பிடிஎப் பைல்களை கையாள கண்டிப்பாக பிடிஎப் ரீடர்கள் அவசியம், இதில் மிகவும் பிரபலமானது அடோப் பிடிஎப் ரீடர் ஆகும்.  இதை தவிர இன்னும் சில சிறப்பான பிடிஎப் ரீடர்களும் உள்ளது அதில் குறிப்பிடதக்கது Foxit Reader ஆகும்.

தரவிறக்க சுட்டிகள்


8.7-ஜிப்

கோப்புகளை சுருக்கி விரிப்பதற்கு பயன்படும் மென்பொருள் ஆகும். 7 ஜிப் மென்பொருளானது ஒப்பன் சோர்ஸ் ஆகும். 

7-ஜிப் மென்பொருளை தரவிறக்கம் செய்ய சுட்டி  
வின்ரேர் தரவிறக்க சுட்டி

9.டவுண்லோட் மேனேஜர்கள் 



இணையத்தில் பதிவிறக்கம் செய்யும் போது பதிவிறக்கம் வேகமாக நடைபெறவும். முழுமையாக பதிவிறக்கம் செய்யவும் இந்த இணைய பதிவிறக்க மென்பொருள் பயன்படுகிறது.

மென்பொருளை பதிவிறக்கம் செய்ய சுட்டி

 10.டோரன்ட் 

டோரண்ட் பைல்களை தரவிறக்கம் செய்ய உதவும் மென்பொருள் ஆகும். Utorrent, Bittorrent மென்பொருள்கள் இதில் சிறப்பானவைகள் ஆகும்.

யூடோரன்ட் மென்பொருளை தரவிறக்கம் செய்ய சுட்டி

11.அடோப் போட்டோசாப் / கிம்ப்
போட்டோக்களை எடிட்டிங் செய்ய உதவும் மென்பொருள் போட்டோசாப் ஆகும். இது இலவசமாக கிடைக்காது இதற்கு மாற்று மென்பொருள் கிம்ப் ஆகும். இது ஒப்பன் சோர்ஸ் மென்பொருள் ஆகும்.

மென்பொருளை தரவிறக்கம் செய்ய சுட்டி

12.ஆடியோ / வீடியோ எடிட்டிங் மென்பொருள்


ஆடியோ மற்றும் வீடியோக்களை எடிட் செய்ய உதவும் சிறந்த மென்பொருள் Media Cope ஆகும். இந்த மென்பொருள் உதவியுடன் ஆடியோ வீடியோ சம்பந்தமான அனைத்து வேலைகளையும் செய்ய முடியும்.

தரவிறக்க சுட்டிகள்


13.அடோப் ப்ளாஷ் பிளேயர்

இணையத்தில் உள்ள வீடியோக்களை காண இந்த அடோப் ப்ளாஷ் பிளேயர் பயன்படுகிறது. யூடியூப் தளத்தில் இருக்கும் வீடியோவை காண வேண்டுமெனில் கண்டிப்பாக அடோப் ப்ளாஷ் பிளேயர் கண்டிப்பாக தேவைப்படும்.

ப்ளாஷ் பிளேயரை தரவிறக்கம் செய்ய சுட்டி

14.மால்வேர் பைட்ஸ்


மால்வேர்களை நீக்க பயன்படும் மென்பொருள் ஆகும். கணினியின் வேகத்தை அதிகபடுத்தவும் இந்த மென்பொருள் உதவி செய்கிறது.

மென்பொருளை தரவிறக்க சுட்டி

15.பயர்வால் 

கணினியை மால்வேர்களிடம் இருந்து காப்பதற்கு பயன்படும் மென்பொருள் பயர்வால் ஆகும். தேவையற்ற அப்ளிகேஷன்களையும்/வலைமனைகளை  தடுக்கவும் பயர்வால் உதவும்.

மென்பொருளை தரவிறக்கம் செய்ய சுட்டி

16.டீம் வியூவர்



இணைய உதவியுடன் டெஸ்க்டாப்பினை பகிர்ந்து கொள்ள உதவும் மென்பொருள் ஆகும். இந்த மென்பொருள் மாணவர்களுக்கு மிகவும் பயனுள்ள மென்பொருள் ஆகும்.

மென்பொருளை தரவிறக்க சுட்டி

17.நோட்பேட்++
`நிரலாக்க மொழிகளை சிறப்பாக கையாளுவதற்கு உதவும் மென்பொருள் Notepad++ ஆகும். இந்த மென்பொருளை கொண்டு நிரலாக்க மொழிகளை கையாளும் போது பிழைகளை எளிதில் கண்டறிந்து நீக்க முடியும்.

தரவிறக்க சுட்டி

18.போல்டர் லாக்




சுய விவரங்களையும் பூட்டி வைக்க உதவும் மென்பொருள் ஆகும். கண்டிப்பாக அனைத்து கணினியிலும் இருக்க வேண்டிய மென்பொருள்.

தரவிறக்க சுட்டி

19.சேன்ட்பாக்ஸி


இணையத்தில் இருந்து பதிவிறக்கம் செய்யும் மென்பொருள்களில் வைரஸ் இருக்கிறதா என்பதை சோதனை செய்ய உதவும் மென்பொருள் ஆகும்.

மென்பொருளை தரவிறக்க சுட்டி 

20.தமிழ் எழுத்துரு மென்பொருள்  



தமிழிலில் தட்டச்சு செய்ய உதவும் மென்பொருள் ஆகும். தமிழில் லதா பான்ட் கொண்டு தட்டச்சாகும். தமிழ் மட்டுமல்லாமல் மலையாளம், அசாம், தெலுங்கு, மராத்தி, பஞ்சாப்பி , குஜராத்தி, பெங்காளி, ஹிந்தி மற்றும் சமஸ்கிருதம் போன்ற மொழிகளையும் இந்த மென்பொருள் கொண்டு தட்டச்சு செய்யலாம். அளவில் மிகச்சிறிய மென்பொருள்.

மென்பொருளை தரவிறக்க சுட்டி

21.பைல் ஒப்பனர்


அனைத்து விதமான பைல்களையும் ஒப்பன் செய்ய உதவும் மென்பொருள், இலவச மென்பொருள். 80+ அதிகமான பைல் பார்மெட்களை ஆதரிக்கிறது இந்த மென்பொருள்.

மென்பொருளை தரவிறக்க சுட்டி

22.விஎம்வேர் வோர்க்ஸ்டேஷன்


இந்த மென்பொருளில் உதவியுடன் கணினியின் உள்ளே இயங்குதளங்களை நிறுவ முடியும். புதியதாக இயங்குதளங்களை நிறுவ கற்றுகொள்ளும் போது இந்த மென்பொருள் உதவியுடன் எளிதாக நிறுவி கற்றும் கொள்ள முடியும்.

மேலும் விஎம்வேர் பற்றி அறிய சுட்டி

மென்பொருளை தரவிறக்க சுட்டி

23.டீப் ப்ரீசர்


அனைத்து மென்பொருள்களையும் நிறுவிவிட்டு பின் இறுதியாக இந்த மென்பொருளை நிறுவவும். இந்த மென்பொருளை நிறுவும் போது நாம் எந்த கோலனை குறிப்பிடுகிறோமோ அதில் சேமிக்கும் தகவலோ நிறுவும் அப்ளிகேஷன்களோ கணினியை மறுதொடக்கம் செய்யும் போது தானாகவே அழிந்துவிடும். 

மென்பொருள்களை தரவிறக்க சுட்டி

24.ஸ்லிம் ட்ரைவர்


ட்ரைவர்களை இணைய உதவியுடன் இன்ஸ்டால் செய்யவும், அப்டேட் செய்து கொள்ளவும் இந்த மென்பொருள் உதவும்.

தரவிறக்க சுட்டி

25.சைபர்லிங் யூகேம்


வெப்கேமிரா மூலம் படம் மற்றும் வீடியோ எடுக்க உதவும் மென்பொருள் ஆகும்.

தரவிறக்க சுட்டி

மேலே குறிப்பிட்டுள்ள மென்பொருள்  தொகுப்பில்  ஒன்றுக்கும் மேற்பட்ட மென்பொருள்கள் குறிப்பிட்டுள்ளேன். அதில் ஏதேனும் ஒன்றை மட்டும் தெரிவு செய்து கொள்ளவும்.

Con - கோப்பறையை உருவாக்க

♠ Posted by Kumaresan Rajendran in ,,,
விண்டோஸ் இயங்குதளத்தில் ஒரு சில கோப்பறையை உருவாக்கவே முடியாது, ஏனெனில் அந்த கோப்பறைகள் யாவும் விண்டோஸ் இயங்குதள இருப்பியல்பான கோப்பறையாகும். இந்த கோப்பறைகளை உருவாக்கும் போது பிழைச்செய்தியே ஏற்படும்.

விண்டோஸ் இயங்குதளத்தை தான் நாம் முழுக்க முழுக்க பயன்படுத்துகிறோம் ஆனால் ஒரு சில செயல்களை நம்மால் எப்போதுமே செய்ய முடியாது அதில் ஒன்றுதான் இந்த Con போன்ற கோப்பறைகளை உருவாக்குதல் ஆகும். இதுமட்டுமல்லாமல் இன்னும் ஒரு சில கோப்பறைகளை உருவாக்க முடியாது அவை PRN, AUX, CLOCK$,  NUL  , COM1,  COM2,  COM3, COM4,  COM5,COM6, COM7, COM8, COM9, LPT1, LPT2, LPT3, LPT4, LPT5, LPT6, LPT7, LPT8, மற்றும் LPT9 போன்ற கோப்பறைகள் ஆகும்.


இது போன்ற கோப்பறைகளை உருவாக்க வழி இருக்கிறதா என்றால் கட்டாயம் இருக்கிறது. உதாரணமாக இதுபோன்ற கோப்பறைகளை உருவாக்கும் போது இதுபோன்ற பிழைச்செய்தி தோன்றும்.


Con கோப்பறையை உருவாக்க

முதலில் வெற்று கோப்பறைய உருவாக்கவும். டெஸ்க்டாப் மீது வலது கிளிக் செய்து New ->  Folder தேர்வு செய்யவும்.

அடுத்து Alt மற்றும் 0160 கீகளை ஒருசேர அழுத்தவும். தற்போது கோப்ப்பறையின் பெயர் வெற்றிடமாக இருக்கும். அதில் நீங்கள் Con என்று உள்ளிடுங்கள். 


இதே முறைமையை பயன்படுத்தி அனைத்து கோப்பறைகளையும் உருவாக்கி கொள்ள முடியும்.

ஆன்ட்ராய்ட் மொபைல் போனை கொண்டு இணையத்தை இணைக்க

♠ Posted by Kumaresan Rajendran in ,


சாதரணமாக மொபைல் போனை கொண்டு இணையத்தை இணைக்க வேண்டுமெனில் நாம் அந்தந்த குறிப்பிட்ட மொபைல் போன்களின் இணைய இணைப்பு மென்பொருளை பயன்படுத்தி இணைப்போம். ஆனால் ஆன்ட்ராய்ட் மொபைல் போனில் எந்தவித மென்பொருளும் இன்றி இணையத்தை இணைக்க முடியும். ஆன்ட்ராய்ட் மொபைல் போனை கொண்டு இணையத்தை இணைக்க USB கேபிள் வேண்டும், இல்லையெனில் ஆன்ட்ராய்ட் பொபைல் போனிலும், உங்களது கணினியிலும் Wifi வசதி இருந்தால் அதை கொண்டும் இணையத்தை இணைக்க முடியும். USB கேபிள் மூலம் இணையத்தை இணைக்க அந்தந்த குறிப்பிட்ட மொபைல் போன்களுக்கான ஆன்ட்ராய்ட் USB ட்ரைவர்களை கணினியில் நிறுவ வேண்டும்.

ஆன்ட்ராய்ட் மொபைல் போன் கொண்டு இணையத்தை இணைக்க முதலில் மொபைல் போனில் Setting செல்ல வேண்டும்.




பின் அடுத்து தோன்றும் விண்டோவில் Wireless & networks என்பதை தேர்வு செய்யவும்.

 


பின் அடுத்து தோன்றும் விண்டோவில் Tethering & portable hotspot என்பதை தேர்வு செய்யவும்.



பின் அடுத்து தோன்றும் விண்டோவில் USB கேபிள் மூலமாக  இணைக்க USB tethering என்பதை தேர்வு செய்யவும். Wifi மூலமாக இணைக்க Portable Wi-Fi hotspot என்பதை தேர்வு செய்யவும். 

 
 
அடுத்ததாக தோன்றும் விண்டோவில் OK பொத்தானை அழுத்தவும். அவ்வளவுதான் வேலை முடிந்தது சில நெடிகளில் உங்கள் கணினியில் இணைக்கப்பட்டிருக்கும். முக்கியமான ஒன்று முதலில் உங்கள் மொபைல் போனில் இணைய சரியாக இணைக்கப்பட்டிருக்கிறதா என்பதை சரிபார்த்துக்கொள்ளவும். மொபைல் போனில் இணையப்பக்கம் ஒப்பன் ஆகிறதா என்பதை சரி பார்த்துக்கொள்ளவும்.



இவ்வாறு செய்யும் போது உங்கள் கணினி இணைய இணைப்பில் இணைக்கப்படவில்லையெனில் அதற்கு முக்கிய காரணம் USB ட்ரைவர் சரியாக நிறுவப்பட்டிருக்காது. USB ட்ரைவர்களை கணினியில் நிறுவிய பிறகுதான் இணையம் இணைக்கப்படும். கீழே இருக்கும்  சுட்டியை பயன்படுத்தி ஆன்ட்ராய்ட் USB ட்ரைவர்களை பதிவிறக்கம் செய்து கொள்ளவும்.